EMOT
Postingan ko tantu sajo terinspirasi dari ILK "Indonesia Lawak Klub" di Trans7 grin emotikon . CLK diadoan di lapau Mak Bulap nan Pambawo Acaranyo Pak Jorong. Para analisnyo tantu sajo para pemain CML nan ndak mangarati saketekpun jo masalah nan ka dibahas smile emotikon . CLK adolah satu-satunyo acara diskusi dilapau nan mambahas masalah nan sadang trend tajadi jo fenomenal, didiskusikan sacaro capek, padek jo ndak bermutu grin emotikon . Disiarkan sacaro langsuang di CMLtv..
Pak Jorong : "salamaik malam sadonyo, salamaik datang di CLK, topik nan ka kito bahas malam kini adolah "ANGGOTA DEWAN PARALU KAH?". Mari kito kenalkan analis atau para ahli nan ka mambahas masalah ko yaitu Buyuang, Lesuik, Saipul jo Congek.."
Buyuang, Lesuik, Saipul jo Congek pun tagak sambia malambaikan tangan ka kamera jo ka warga CML nan jadi penonton..
"Prok.. Prok.. Prok.." Langsuang batapuak tangan penonton..
Pak Jorong : "nah sebagai Notulen atau nan ka manyimpulkan topik diskusi adolah Bulaaaaap.."
"Ehem.." Mak Bulap hanyo mandaham saketek, tando Mak Bulap sadang bawibawa grin emotikon .
Pak Jorong : "oke mari kito mulai diskusi ko, partamo sakali ambo batanyo ka Congek, manuruik ang paralu ndak anggota Dewan tu ?"
Congek : "tagantuang Pak.." (Sambia manggiriak-giriak lubang talingo jo bulu ayam)
Pak Jorong : "tagantuang baa ko Ngek?"
Congek : "kalau diagiah udang lamak rasonyo Pak, tapi kalau hanyo lobak sajo isinyo, tantu sajo biaso pulo rasonyo.."
"Hahahahaha.." Takikiak-kikiak penonton dek galak..
Pak Jorong : "Dewan Ngek.. Dewaaaan.. Ndak Bakwan doh..!! Hah..!! Ka nan lain se lah den batanyo lay, sakik garaman den mancaliak ang.. Yuang manuruik ang baa? Paralu ndak anggota Dewan tu?"
Congek : "tanang se lah Pak Jorong, ndak Pak Jorong bagai nan ka mambaia Bakwan nan den makan doh, den lai ado pulo pitihnyo.."
Pak Jorong : "UAAAAAAAAA.. Den batanyo ka Buyuang Ngek.. Ndak ka ang doooooh..!!" Yuang capek ang jawek pertanyaan den, pado duluan pulo Congek garapai tu beko..!!"
Buyuang : "sabalum kito bahas paralu atau indak anggota Dewan tu, mari kito bahas dulu apo arti dari anggota Dewan.." (Sambia maisok-maisok kulik kuaci)
Pak Jorong : "ops kan mantap tu ha, kalau baitu arti dari anggota Dewan tu apo Yuang?"
Buyuang : "arti dari anggota Dewan adolah..
.
.
.
Rancaknyo kito tanyokan ka Congek Pak.."
"Muahahahaha.." Kajang-kajang urang saisi lapau dek galak..
Pak Jorong : "Arrrrrrg upset emotikon. upset emotikon. !!"
*mambasuah muko jo kopi*
Basambuang grin emotikon
Saku Midun
“H-Z
@CMLsakumidun